أسباب خلافات الأزواج التي تؤدي إلى الطلاق وحلها

مساء الخير النهارده هنشوف اه هو سبب خلافات الازواج الغير مبرر لها ومع ذالك تؤدى للطلاق ...

هنبدء الاول بالراجل...

  حضرتك بتحب تشوف مراتك احسن من احسن ملكه جمال طول الوقت حقك بس مش بالحراج.،حضرتك بتحب تيجى من الشغل مفيش امك اخواتك اولادك حقك برضو بس العدل، حضرتك بتدخل البيت قرفان من مشاكل الشغل وعاوزها تهون عليك حقك بس سئلتها مره مالك، معاك انها بتبقى مع الاولاد طول الوقت ومش مفضيالك وقت حقك بس جيت فى مره قولتها ذكرى لابنى فلان وانا اذكر لعلان او حتى شاركتها شغل البيت وايدك بايدها، جيت فى يوم قولتها لو خاتم بلاستك او ورده او ورقه صغيره قديمه من الزباله ياسيدى مكتوب فيها بحبك طبعا لا كتبتلها بقلم روج على المرايه كل يوم قبل ماتخرج وبعد ماتجهزك انت واولادك للخروج كله شكر اى حاجه بسيطه مش تقيله عليك او حد شايفك بتعملها، جيت مره شركتها كلامك بدل اصحابك او ايا كان حسستها انها مش موجوده رجل كنبه او ترابيزه طبعا برضو لا، جيت فى يوم شركتها وجعها وعياطها فى الليل من تعب او دوخه طول النهار لا برضو طب ممكن تقول هى اتوجدت فى حياتك ليه مدام لا كل دول...

ياستاذى الفاضل الست بتروح للحنيه والامان والمشاركه وكل حاجه حلوه وعلى فكره بقى انت الى فى ايدك متخلهاش تشوف غيرك او تبص لجارتها او مرات اخوك وانت الى فى ايدك برضو متحوزش واحده غيرها عشان نقصها كذا طب تعرف ان الى نقصها دا فى نظرك بس عشان انت شوفت فلان مع مراته كذا ماسالتش نفسك ان النقص فى قله نظرك اتجاها اسفه طبعا بس دى الحقيقه وان كرامتك اتجرحت من كلامى بس متعودتش انها تواجهك وتقولك لا عشان بتحبك ياسيى السيد شوفت امينه بقى....

 

دورك ياست الكل ..

يام العيال او لسه مجربتيش لما تقابلى جوزك وهو جاى من الشغل عامل اه ياحبيبى طب يومك كان عامل اه مالك اى حاجه يامى بس بشرط ريحه الطبيخ وتنضيف طول النهار ده خرجتى منه ومن هدوم شغل البيت جربتى فى مره تقولى لاولادك بابا زمانه جاى يلا عشان نضبطله البيت ونتكلم معاه شويه عشان وحشنا طول النهار طبعا لا دا اذى يغيب عن بالك اصغر الاشياء دى تعرفى ان فى ايدك تاعديه جمبك وقت اجازته وتعمله هو والاولاد جو لطيف فى البيت تبقى بشكل دائم كل اسبوع مره، جربتى تلبسى لبس خروج وتاعدوا شويه فى البيت او تستاذنيه تخرجوا شويه هتقوليلى هو بصراحه العيشه على الاد بصى شمعتين والطبليه ترابيزه واعملى عليها اصناف بيحبها ولبس حلو واولادك كمان وتليفزيون على افلام وشويه فشار او فاكهه مش هيقولوا لا ، طب انا شغاله ياست الكل مفيش مشكله حطى فى اعتبارك ان زوجك واولادك دول امانه فى رقبتك ابدا ماتقصرى فيهم مع شغلك واثبتى نفسك ست البيت الشاطره بتعرف تخطط يومها ومتخلهوش روتينى، اه وكلمه امك عملت اخواتك سو اولادك شوفهم دى ليها وقت معين ياست الكل مش اول مايدخل البيت تحدفيه بالطوب مينفعش، كلامك الحلو يغنى عن اى شئ، ومسؤليه الاولاد يامى بالمشاركه بنكم واعرفى مع الحفاظ على كرامتك ابدا جوزك ميكنش زعلان منك بالراحه والسياسه انتى طيبه وحنينه وهو طيب ومحتاج الى يسمعله.. .

كده انتهى الى محتاجه ااقوله بس لسه مكملين ياساده....

 

قبل مانسى فى مشاكل كتير جدا على مواقع السوشيال ميديا ليها اسباب كتير نصيحه متعندوش مع بعض خليكوا سند لبعض كونوا امان لان بيشل ذنبها اولادنا واسفه لكل الناس لان الى بنشر مشكله ليها يبقى الرد طلاق طلاق طلاق ياست الكل انتى صاحبه المشكله فى حالات بس هى الى ابغض الحلال فيها تحل الطلاق وهى الخيانه والامر التانى لما يبقى بجد مش راجل وملوش امان الى هو معدوم الشخصيه لان الطبع بيغلب التطبع ابدا ماتلجئ للشئ ده الا لما ترجعى لاصحاب علم او طرف تالت غير اهلك واقاربك عموما وعلى فكره الاول قبل ماتلجئ لحد يبقى بنكم فهمتونى الطرفين لان مش اد الحواز متتجوز او متتجوزيش لان فى ارواح فى رقبتكم حرام يتيتموا وانتوا على وش الدنيا حبوا عيالكم وحببوهم فى الدنيا وابدا ماتسمعى لحد خليكى قويه انتى وهو وشكرا. . 

Enjoyed this article? Stay informed by joining our newsletter!

Comments

You must be logged in to post a comment.

About Author